Цените на кафето скокнаа на рекордни нивоа поради намалените испораки од Бразил
Цените на кафето арабика денеска достигнаа нови максимум благодарение на силната побарувачка и ограничената понуда од Бразил, најголемиот производител на кафе во светот. Цената на арабика се зголеми за повеќе од 2,1% и достигна рекордни 3,489 долари за фунта (0,4 килограми).
Трговците нагласуваат дека вниманието на пазарот сè уште е насочено кон испораките од Бразил, кој се соочува со проблеми во производството поради лошите временски услови. Резервите на сертифицирана арабика на берзата ICE (Intercontinental Exchange Inc.) остануваат на ниско ниво, што дополнително го подигнува ценовниот притисок.
На пазарот на робуста, цената исто така бележи раст од 1,3%, достигнувајќи 5.522 долари за метрички тон, што е највисокото ниво од 10 декември минатата година.
Силната побарувачка за кафе, особено за бразилското кафе, е забележана и на спот пазарите во Европа, што ги поттикна овие ценовни зголемувања. Пазарот продолжува да биде под голем притисок поради нерамнотежата помеѓу понудата и побарувачката, што предизвикува нагорни трендови во цените на кафето.
