Целосна блокада на ГП Богородица од 17 часот, нормализиран сообраќајот кон Ќафасан
Динамична и променлива е состојбата на патиштата и граничните премини во земјава поради комбинација од протести кај јужниот сосед и зимските временски услови. Додека дел од ограничувањата се укинуваат, нови блокади стапуваат на сила во текот на попладневните часови.
Најновата информација за возачите е дека граничниот премин Богородица (Евзони) денеска, 08.01.2026 година, ќе биде целосно затворен за сите видови возила со почеток од 17:00 часот.
Истовремено, продолжува прекинот на сообраќајот за тешки товарни возила (ТМВ) на граничниот премин Меџитлија (Ники).
По претходните ограничувања, сообраќајот на патниот правец Струга – Ќафасан е целосно нормализиран. Од 11:00 часот преминот е отворен за сите видови возила.
Сообраќајот на државните патишта се одвива во зимски услови, претежно по влажни коловози. Врнежи од снег со различен интензитет се бележат на неколку локации:
Иако во моментов врнежите не претставуваат пречка за одвивање на сообраќајот, се препорачува крајна внимателност и задолжително поседување зимска опрема.
