Брод со илјадници автомобили се уште гори, влечен на побезбедна локација
Товарниот брод, кој гори од минатиот вторник и превезуваше речиси 4.000 автомобили, е одвлечен на нова локација далеку од бродските ленти во близина на холандскиот брег, објавија денеска холандското Министерство за јавни работи и водостопанство и локалните медиуми .
Товарниот брод , кој патувал од Германија за Египет, бил одвлечен на локација северно од холандските острови Амеланд и Ширмоника, соопшти Министерството.
Портпаролката на министерството изјави за холандската агенција АНП дека бродот на неговата нова привремена локација е подалеку од бродските рути и е позаштитен од ветрот.
Еден Индиец , член на екипажот, загина во пожарот , а седуммина се повредени кога скокнале од бродот за да избегаат од пожарот.
Јапонската чартер компанија Kawasaki Kisen Kaisha – K Line во петокот соопшти дека на бродот имало 3.783 возила, вклучувајќи 498 батерии за електрични возила, значително повеќе од првично пријавените 25.
Холандската телевизија RTL објави дека пожарот го предизвикал батерија на електричен автомобил .
Бродот долг 199 метри се запали на околу 17 километри од најсеверниот холандски брег.
