БИТИЌИ: Странските инвеститори имаат доверба во нашиот економски потенцијал, во неговото поволно, стабилно и предвидливо деловно опкружување
Вицепремиер задолжен за економски прашања и инвестиции, Фатмир Битиќи , на својот Фејсбук профил објави дека има нова инвестиција во земјава.
„Aмериканската компанија Теламон се одличи за нов инвестициски циклус со нов производствен погон од 2,100 метри квадратни во кој, проектирано е отворање на 300 нови работни места, со плати повисоки од просечната нето плата.
На свеченоста ја посочив довербата која странските инвеститори ја имаат во нашиот економски потенцијал, во неговото поволно, стабилно и предвидливо деловно опкружување кое неуморно работиме да го одржуваме и унапредуваме.
Минатата година бележиме историски рекордна вредност на странски директни инвестиции во износ од 753,8 милиони евра, што е за двапати поголемо во однос на 2016 година, а кои за граѓаните отворија нови 2.300 работни места.
