Билтен на МВР: Серија физички напади во угостителски објект, плоштад „Скендербег“…
Денеска (17.05.2023) во 04.40 часот пред угостителски објект на ул.„Македонија“ во Скопје, полициски службеници од Полициската станица Центар го лишиле од слобода Т.Ш.(52) од Прилеп, затоа што, по претходна расправија, физички ја нападнал В.Л.М.(40) од Скопје и затоа што агресивно се однесувал кон полициски службеници кои извршувале службени дејствија. По целосно документирање на случајот ќе следува соодветен поднесок.
На 16.05.2023 во 19.10 часот во Полициската станица Бит Пазар, Б.Д.(24) од Скопје пријавил дека околу 17.30 часот на Плоштад „Скендербег“ на подрачје на Бит Пазар бил физички нападнат од негов роднина Р.Т.(45) од Скопје. Се преземаат мерки за расчистување на случајот.
На 16.05.2023 во 18.50 часот во Полициската станица Карпош, К.С.(74) од Скопје пријавил дека околу 12.30 часот на подрачје на Карпош, по претходно недоразбирање во сообраќајот, бил физички нападнат од неговиот сосед Д.Ј. од Скопје. Се преземаат мерки за расчистување на случајот.
На 16.05.2023 во 20.00 часот во Полициската станица Ѓорче Петров, С.К.(50) од Скопје пријавил дека во 19.30 часот на подрачје на Ѓорче Петров бил физички нападнат од И.Н.. Се преземаат мерки за расчистување на случајот.
На 16.05.2023 во 21.30 часот во Полициската станица Драчево, А.Н.(18) од с.Батинци, скопско, пријавил дека околу 20.35 часот во с.Батинци, поради нерасчистени должничко – доверителски односи, бил физички нападнат од Ш.Н.. Се преземаат мерки за расчистување на случајот.
