БЕСПЛАТНА ЛИНИЈА ЗА ДИНАРОТ: Дали ова ќе им биде од корист на косовските Срби?
Централната банка на Косово отвори бесплатна линија за динарот.
Во соопштението на Централната банка на Косово, се вели дека е отворена бесплатна линија (0800 222 55) за Србите од Косово. Тие на линијата треба да добијат точни и конкретни информации.
Централната банка на Косово (ЦБК) пушти во употреба бесплатна телефонска линија преку која припадниците на српската заедница можат да добијат подетални информации за уредбата со која еврото е единствена валута за плаќање во готовина.
Оваа одлука следи еден ден по седницата на Советот за безбедност на Обединетите нации, на која премиерот на Косово, Албин Курти и претседателот на Србија, Александар Вучиќ, го искажаа својот став за оваа регулатива, која стапи на сила од 1 февруари. Комбе со српски динари деновиве беше вратено од граница и не стигна во Лепосавиќ за плати и пензии за Србите.
