Апасиев: Патриоти продолжете да си го гласате Мицкоски!
По завршувањето на вториот круг од Локалните избори 2025, лидерот на Левица, Димитар Апасиев, се обрати на прес-конференција, упатувајќи остри критики кон владејачките и опозициските партии.
„По којзнае кој пат балистичко-врховистичката коалиција потфрли и ВРЕДИ ги зафркна ДПМНЕ насекаде каде што очекуваа нивни гласови. За возврат на кусогледоста на Мицкоски крубан отиде Западна Македонија. Патриоти продолжете да си го гласате Мицкоски,“ изјави Апасиев.
Тој им се обрати и на членовите и симпатизерите на Левица, нагласувајќи дека партијата водела кампања со скромни средства во споредба со другите политички субјекти.
„Зарем мислевте дека со 16.000 евра на Фејсбук можевме да победиме ламја која вцица милијарда евра во овие избори? Тие ги имаа милијардите, а ние им се спротивставивме само со едно блендирано комбе,“ рече Апасиев.
Тој испрати и порака до Собранието и Државната изборна комисија, најавувајќи дека Левица ќе бара промени во изборното законодавство.
„Ви ветуваме дека ќе имате пекол во Собранието ако не го измените Изборниот законик и ако не ни дадете член во ДИК,“ додаде Апасиев.
Во завршниот дел од обраќањето, лидерот на Левица го пофали кандидатот за градоначалник на Скопје, Амар Мециновиќ, нарекувајќи го „новото лице на Левица“ и „специјалец“ кој, како што рече, успешно ја претставил партијата во изборниот процес.
