Јаневска: Над 13.200 апликации се поднесени за упис во средни училишта за учебната 2025-2026 година
Министерката за образование, Весна Јаневска на својот фејсбук профил објави дека „над 13.200 апликации се поднесени за упис во средни училишта за учебната 2025-2026 година“.
„Над 13.200 апликации се поднесени за упис во средни училишта за учебната 2025-2026 година. Првото пријавување во јунскиот уписен рок трае до полноќ. Следното е на 30 јуни, додека конечните ранг лист по двете пријавувања, училиштата ќе ги објават на 2 јули.
Потсетувам дека пријавувањето е електронски и се спроведува преку порталот e-uslugi.mon.gov.mk, каде учениците се најавуваат со сопствените кориснички сметки на schools.mk. Платформата функционира одлично, а министерството им излегува во пресрет на сите кои имаат потреба од поддршка при аплицирањето“, вели Јаневска.
