Американските здравствени власти ги предупредуваат лекарите да внимаваат на можни случаи на труење со олово кај малите деца
Американските здравствени власти ги предупредуваат лекарите да внимаваат на можни случаи на труење со олово кај мали деца низ целата држава. Предупредувањето е упатено откако најмалку 22 мали деца во 14 држави покажаа симптоми на труење со олово.
Се верува дека труењето е предизвикано од пакување со пире од јаболка и компот од јаболка загадени со олово. Деца на возраст од 1 до 3 години биле погодени, а најмалку едно имало ниво на олово во крвта осумпати повисоко од нивото кое генерално се смета дека предизвикува загриженост, соопшти Центарот за контрола и превенција на болести.
Нивото на олово во крвта на заболените деца се движело од четири до 29 микрограми на децилитар.
Пријавените симптоми вклучуваат главоболка, гадење, повраќање, дијареа, промена на нивото на активност и анемија.
Веќе се повлечени пакетите со пире од јаболка од брендот WanaBana за деца и од Schnucks и Weis. Производите се продавале во продавници и онлајн.
Од 7 ноември, има случаи на труење со олово кај мали деца во државите Алабама, Арканзас, Луизијана, Мериленд, Мисури, Ново Мексико, Њујорк, Северна Каролина, Охајо, Пенсилванија, Јужна Каролина, Тенеси, Тексас и Вашингтон.
