АМЕРИКАНСКИОТ СУД ДАДЕ ЗЕЛЕНО СВЕТЛО ЗА НАЈГОЛЕМАТА АКВИЗИЦИЈА ВО ГЕЈМИНГОТ НЕКОГАШ – Microsoft на чекор поблиску до купување на Activision Blizzard
Окружниот суд во Калифорнија денеска го отфрли обидот на Федералната трговска комисија (FTC) да го одложи купувањето на „Microsoft“ на компанијата „Activision Blizzard“, вредна 70 милијарди долари.
Одлуката ја постави основата за спојување меѓу Мајкрософт и производителот на видео игри, пишува Њујорк Тајмс.
Во одлуката на 53 страници, судијата Жаклин Скот Корли рече дека FTC не успеа да докаже дека спојувањето ќе ја намали конкуренцијата што ќе им наштети на потрошувачите.
Пресудата е значаен удар за FTC, кој се обиде поагресивно да го контролира спојувањето на големите компании, според американскиот весник.
Напорите на Комисијата се предводени од претседателката на FTC, Лина Кан, која тврди дека огромното влијание на технолошките гиганти врз трговијата и комуникациите доведе до антиконкурентно однесување.
(Извор: Њујорк Тајмс)
