Американски дипломат: Рускиот напад е трагичен потсетник зошто Трамп сака мир
Американскиот државен секретар Марко Рубио го осуди денешниот руски напад врз украинскиот град Шуми, во кој загинаа најмалку 34 лица, нарекувајќи го „трагичен потсетник зошто претседателот Трамп и неговата администрација вложуваат толку многу време и напор во обидот да се стави крај на оваа војна и да се постигне траен мир“.
Рубио додаде дека САД изразуваат најдлабоко сочувство за жртвите од ракетните напади.
„Овој напад уште еднаш покажува каква цена плаќаат невините цивили секој ден и колку итно е потребен дипломатски чекор“, рече Рубио, истакнувајќи дека дипломатските напори на САД се интензивираат во позадината на неодамнешните состаноци со Москва.
Рубио, исто така, повтори дека САД остануваат посветени на барање решенија кои ќе донесат „траен и праведен мир“, но предупреди дека „таквите цели нема да се постигнат без истрајност и подготвеност од сите страни да преземат политички ризици“.
Неговата изјава дојде еден ден откако пратеникот на Трамп, Стив Виткоф, се сретна со рускиот претседател Владимир Путин во Кремљ, и веднаш откако Лавров го пофали Трамп како „единствениот западен лидер кој ги разбира корените на конфликтот“.
