Џамбазов со емотивна објава за починатиот Андреј од ДНК: Публиката никогаш нема да те заборави, јас уште помалку!
Игор Џамбазов на својот фејсбук профил објави објава за својот колега и пријател, Андреј Ѓорѓиески од ДНК, кој загина во пожарот во дискотеката во Кочани.
„Пријателе…
Немам зборови. Не можам ниту да говорам, ниту да пишувам. Уште помалку да пеам.
Онемев. Ослепев. Оглувев. Оглупавев. Снеможев.
Андрејчук, малкумина има како тебе.
Ти беше од таа специјална сорта. Добри луѓе. Посебни луѓе што би се жртвувале секогаш, за секого, и во секоја прилика.
И кога ќе се видиме горе, ќе си го завршиме муабетот што го почнавме на новогодишната ноќ, кога заедно настапувавме пред среќната публика. Таа, публиката, никогаш нема да те заборави. Јас уште помалку. Сонувај спокојно“, напиша Џамбазов.
