АЛАРМ ВО ГЕРМАНИЈА: Можен државен удар, итно се огласи вицеканцеларот, екстремистите ги презедоа протестите, има повредени!
Германија во целосен колапс поради протестите на фармерите.
Околу 550 луѓе со трактори учествуваа на протестите на фармерите пред Бранденбуршката порта во Берлин против планираните кратења на владата во земјоделските субвенции. Покрај земјоделците, на протестот учествуваа и бројни возачи на автобуси и камиони, а меѓу демонстрантите имаше и бројни занаетчии. Булеварот што ги поврзува двете знаменитости веќе беше затворен во неделата вечерта, кога тракторите почнаа да пристигнуваат.
Протестите на германските земјоделци против промените во земјоделската политика доведоа до немири во неколку региони на северна и источна Германија. Во североисточната германска покраина Мекленбург-Западна Померанија, земјоделците ги блокираа влезовите на автопатот со стотици трактори.
Германскиот вицеканцелар Роберт Хабек предупреди дека протестите на фармерите ги преземале екстремни групи, пренесува ДПА. „Има повици за државен удар. Се создаваат екстремистички групи, отворено се прикажуваат националистички симболи“, рече тој.
Во Фрисоит, западно од Бремен, демонстрант (35) бил удрен од автомобил и тешко повреден. Портпаролот на полицијата за Билд изјавил дека мажот бил пренесен во болница. Деталите за овој инцидент се уште не се познати.
