АКО ОДМAРАТЕ ВО ЦРНА ГОРА, МОРА ДА ГО ЗНАЕТЕ ОВА: Стартуваат нови правилата за наплата на лежалки!
Во Црна Гора од 1 јуни почнаа да важат правилата за користење на плажите, што ќе ги задоволи сите нејзини гости, бидејќи после 17 часот целосно бесплатно ќе биде користењето на лежалки и чадори на јавните и на другите плажи, освен на хотелските. Ова го објави Јавното управување со поморскиот имот на Црна Гора. Тие се решиле на овој чекор бидејќи не било „пристојно да се наплаќа целосната цена за користење опрема за плажа на секој што доаѓа попладне“.
Според овој правилник, на секоја плажа задолжително треба да се постави информативна табла.
Ќе го означува работното време на плажата, цената на лежалките и чадорите, квалитетот на водата што ќе се мери на секои седум до 10 дена и типот на плажата – пет пријателска, нудистичка, јавна или хотелска плажа.
На овој начин секој гостин ќе има целосни информации за самата плажа и нејзините цени, за да нема повеќе изненадувања, а станарите ќе бидат контролирани дали работат согласно прописите, а во спротивно ќе бидат санкционирани.
На црногорското крајбрежје, покрај јавните и хотелските плажи, се нудат и 12 тематски плажи, така што заљубените парови, младите кои бараат забава, нудистите или гостите со домашни миленици ќе имаат свое „парче брег“ каде што може да се опушти.
