АКО БАРАТЕ РАБОТА: Во Македонија има илјадници слободни работни места
Илјадници слободни работни места има во Македонија. Бројот на слободни работни места во четвртиот квартал во 2024 година изнесува 9.562, а најголем број, 2.149, има во втората група занимања – Стручњаци и научници, објави денеска Државниот завод за статистика.
Следуваат групите Работници во услужни дејности и продажба со 2.074 слободни работни места, Елементарни занимања,1.638, Занимања за неиндустриски начин на работа во производството, 1.028, Ракувачи и составувачи на машини и постројки, 851, Техничари и сродни занимања, 1.016, Службеници, 744. Евидентирани се и 44 слободни работни места во групата Членови на законодавни и извршни тела, државни функционери, раководни државни службеници, дипломати и директори, како и 19 во групата Стручни работници во земјоделството, шумарството, рибарството и ловот.
