Агресивен пациент нападнал лекар и полицаец во Тетово
Вчера, полициски службеници од СВР Тетово го лишија од слобода М.М.(28) од село Челопек, по претходна пријава од Клиничката болница во Тетово.
Тој бил пријавен дека агресивно се однесувал кон персоналот и физички го нападнал Л.А.(31) од с. Желино, лекар во болницата, додека тој се обидувал да му пружи медицинска помош.
По пристигнувањето на полициските службеници, М.М. продолжил со агресивно однесување и физички нападнал еден од нив. Тој е задржан во полициска станица, а по целосно документирање на случајот, против него ќе биде поднесена соодветна пријава, соопшти СВР Тетово.
