Адеми: Имав двапати поголема трема кога играв против Модриќ, отколку против Роналдо!

Изминатиов период беа напишани многу текстови за неговиот придонес за „модрите“, а голем број соиграчи и навивачи емотивно се збогуваа со него преку социјалните мрежи. Официјалната интернет-страница на загрепчани денеска објави големо интервју со Адеми, во кое го потсетува на сите најважни детали од неговиот престој на „Максимир“. Меѓу одговорите, најинтересен е тој за дуелите против хрватските легенди, Лука Модриќ и Марио Манџукиќ.

„Имав двапати поголема трема кога од другата страна на теренот се наоѓаа Мадриќ или Манџукиќ, отколку кога играв на пример против Кристијано Роналдо“, кусо прокоментира македонскиот фудбалер.

Адеми се потсети и на тешките моменти кога беше суспендиран поради позитивен допинг тест.

„Тоа ми беше најголема тага и шок. Бев со Македонија и во еден момент селекторот дојде и ме викна итно да се излезам од собата за да ми каже нешто. Најтежок период во кој немав ништо друго освен да се борам и да ја изнесам својата вистина. Но, пак морав да паузирам две години“, вели нашиот репрезентативец.

Целото интервју со Адеми може да го прочитате ТУКА.