65.000 прекршоци во првите 12 часа од стартот на работата на камерите
Алармантни податоци пристигнуваат од Министерството за внатрешни работи (МВР) уште на самиот старт на новиот дигитален систем. Министерот Панче Тошковски, означувајќи го почетокот на пробниот период на системот „Безбеден град“ (Safe City) од СВР Скопје, откри шокантна статистика: за само половина ден, камерите „уловиле“ вртоглави 65.000 сообраќајни прекршоци.
Оваа бројка, која ги надминува и најпесимистичките прогнози, јаслика реалната состојба на сообраќајната (не)култура во главниот град и ја потврдува неопходноста од воведување на автоматски систем за санкционирање.
Деталната анализа на регистрираните прекршоци во првите 12 часа открива загрижувачко непочитување на основните сообраќајни правила кои директно го загрозуваат животот.
Според податоците што ги изнесе министерот Тошковски:
Со овој проект, МВР започнува нова етапа во унапредувањето на безбедноста. Процедурата за казнување станува целосно дигитализирана и транспарентна. Сторителите на прекршоци ќе добиваат електронско известување, поткрепено со документација од современи технички средства и уреди за снимање, што го елиминира човечкиот фактор и можноста за селективност.
Министерот порача дека целта на „Безбеден град“ не е само казнување, туку спасување животи преку воспоставување ред.
„Нашата цел е јасна: повеќе безбедност, помалку прекршоци и нулта толеранција за несовесно возење, без разлика дали се работи за урбана зона или пат надвор од населено место. Овој систем е инвестиција во спасени животи и побезбедни улици за сите,“ заклучи Тошковски.
Системот во моментов е во пробна фаза (тест-период), при што граѓаните добиваат известувања со цел да се запознаат со начинот на функционирање, пред да започне ефективната наплата на глобите.
