Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 34 ПОЛИЦАЈЦИ СЕ ГОНАТ ЗА ПОТКУП, ЗЛОУПОТРЕБА НА СЛУЖБЕНАТА ПОЛОЖБА И НАСИЛСТВО Внатрешната контрола отворила 1.040 предмети за девет месеци
Македонија

34 ПОЛИЦАЈЦИ СЕ ГОНАТ ЗА ПОТКУП, ЗЛОУПОТРЕБА НА СЛУЖБЕНАТА ПОЛОЖБА И НАСИЛСТВО Внатрешната контрола отворила 1.040 предмети за девет месеци

19/11/2026

AA

Вкупно 34 полициски службеници се опфатени со кривични пријави во првите девет месеци од годинава, а меѓу делата за кои се сомничат има злоупотреба на службената положба, примање поткуп, несовесно работење и насилство. Одделот за внатрешна контрола при Министерството за внатрешни работи во периодот од јануари до септември 2026 година поднел 31 кривична пријава против 64 лица, покажува официјалниот извештај за неговата работа.

Во извештајниот период биле отворени вкупно 1.040 предмети поврзани со сомневања за незаконито, непрофесионално и неетичко постапување на вработени во МВР. Од нив, 364 биле оформени по претставки од граѓани, додека 676 произлегле од други сознанија и информации добиени во рамките на службеното постапување.

Анализата на предметите покажува дека Внатрешната контрола утврдила основаност на дел од наводите, но и голем број случаи во кои немало доволно докази за потврда на пријавените неправилности.

Според табеларниот приказ во извештајот, од 676 предмети оформени по претставки и други основи, 94 биле оценети како основани, 76 како делумно основани, 273 биле без обезбедени докази, а 230 биле оценети како неосновани. За три предмети постапката сè уште траела.

Во делот на кривичната одговорност, од 64 лица опфатени со кривичните пријави, 34 биле полициски службеници, а 30 физички лица. Пријави биле поднесени и против правни лица.

Меѓу кривичните дела наведени во извештајот се злоупотреба на службената положба и овластување, примање поткуп, несовесно работење во службата, фалсификување службена исправа, насилство и други дела предвидени со Кривичниот законик.

Посебен дел од извештајот се однесува на употребата на физичка сила од страна на полицијата. Во првите девет месеци биле разгледани 54 случаи поврзани со употреба на физичка сила.

Во три случаи Внатрешната контрола оценила дека употребата на сила била неоснована. Во 46 случаи не биле обезбедени докази дека силата била употребена неосновано, додека за пет случаи постапувањето сè уште било во тек.

Токму поради трите случаи во кои била утврдена неоснована употреба на физичка сила, биле поднесени три кривични пријави против вкупно 13 полициски службеници, поради сомневање за сторени кривични дела.

Извештајот дава увид во обемот на постапувањето на Внатрешната контрола и неправилностите што биле предмет на проверка, но и во случаите во кои биле преземени мерки за утврдување кривична одговорност на полициски службеници.

.

Извор: plusinfo.mk

TACT.mk

Previous post
Последни Новини
Македонија

34 ПОЛИЦАЈЦИ СЕ ГОНАТ ЗА ПОТКУП, ЗЛОУПОТРЕБА НА СЛУЖБЕНАТА ПОЛОЖБА

19/11/2026
Македонија

ЌЕ СЕ НАЈДЕ ЛИ ЧАРЕ ЗА „КРАВА ПАЛАНКА“? Советниците на

19/11/2026
Македонија

СЕ ТРАГА ПО УШТЕ ЕДНО ЛИЦЕ ПОВРЗАНО СО ПЛАНИРАНИОТ НАПАД

19/11/2026
Македонија

📽️ ТОШКОВСКИ ЈА ПРИМИ НАГРАДАТА ЗА „БЕЗБЕДЕН ГРАД“ ВО ДУБАИ

19/11/2026
Македонија

СИЛНИОТ ВЕТАР ЌЕ ПРОДОЛЖИ И УТРЕ, НА СИЛА Е ЖОЛТ

18/11/2026
Македонија

НА НОВОРОДЕНЧЕ МУ НАНЕЛЕ ИСЕКОТИНА НА ПРСТЕТО ПРИ ВАДЕЊЕ ИНФУЗИЈА

18/11/2026
Македонија

Посетата на поранешна актерка во филмови за возрасни на Омејадската

18/11/2026
Македонија

ЗОШТО ПЕНДАРОВСКИ НЕ ГО ПОТПИШАЛ ЗАКОНОТ ЗА ИГРИ НА СРЕЌА?

18/11/2026
  • Економија 7906
  • Магазин 4842
  • Македонија 46839
  • Регион 4000
  • Свет 21
  • Спорт 4718
СЛИЧНИ НОВИНИ ЗА ВАС

ЌЕ СЕ НАЈДЕ ЛИ ЧАРЕ ЗА „КРАВА ПАЛАНКА“? Советниците на ВМРО-ДПМНЕ предлагаат 6 итни мерки

19/11/2026

Советничка група на ВМРО-ДПМНЕ во Советот на Општина Крива Паланка бара да се свика вонредна седница на која ќе се

СЕ ТРАГА ПО УШТЕ ЕДНО ЛИЦЕ ПОВРЗАНО СО ПЛАНИРАНИОТ НАПАД ВО ГРЦИЈА Можни цели биле

19/11/2026

Македонските власти, во соработка со грчката разузнавачка служба ЕИП, трагаат по уште едно лице поврзано со сомненијата за планиран терористички

📽️ ТОШКОВСКИ ЈА ПРИМИ НАГРАДАТА ЗА „БЕЗБЕДЕН ГРАД“ ВО ДУБАИ Македонскиот проект признат на Светскиот

19/11/2026

Министерот за внатрешни работи Панче Тошковски ја прими наградата „Excellence in Road Safety“ на Светскиот полициски самит во Дубаи, признание

Novina.mk Novina.mk

©2022. All Rights Reserved.

Контакт
Privacy Policy