27 пати германски ловци го прелетале балтичкиот регион поради руските ловци
Германски борбени авиони стационирани на источното крило на НАТО летале 27 пати на небото над балтичкиот регион по извештаите за неидентификувани авиони кои ги прелетувале од август минатата година, јави ДПА, повикувајќи се на германското воено воздухопловство.
За време на нивното полетување, германските сили идентификувале руски борбени авиони над Балтичкото Море, изјави германски портпарол за ДПА во Берлин. Повеќе од 150 германски војници се стационирани во Естонија од август за да го заштитат воздушниот простор над источното крило на НАТО. Пред тоа, со воздушните патроли над балтичкиот регион управуваше Франција.
Германскиот претседател Франк-Валтер Штајнмаер утре треба да ја посети воздухопловната база Емари во Естонија, забележува ДПА.
Трите балтички земји – Естонија, Летонија и Литванија – немаат свои воздушни сили. Нивниот воздушен простор е заштитен од нивните сојузници во НАТО на ротирачка основа.
