100 илјади граѓани се фотографирани и чекаат пасоши, министерот вели: Со господ напред!
Околу 100 илјади граѓани на Македонија веќе се имаат фотографирано за пасош, но се уште не го добиле. Проблемот е што државата нема обрасци за изработка на пасоши.
Министерот за внатрешни работи Панче Тошковски синоќа во телевизиско интервју за Телма рече дека 60 илјади се веќе обработени и внесени во системот за производство, а околи 30 илјади од граѓаните се фотографирани но не им е одобрена постапка за да влезат во систем односно чекаат да стигнат обрасци за производство.
„На располагање заклучно со вчера имаше под 5.000 тип А и околу 10.000 тип Б, тоа значи под 5.000 за да се испринтаат на македонски јазик, а 10.000 на албански јазик“, изјави министерот за внатрешни работи Панче Точковски.
На прашањето како ќе одат нарачките министерот рече: „Со Господ напред.“ Тој проблемот е настанат поради лошо планирање и катастрофално менаџирање, како и катастрофална динамика на испорака.
Порачки се направени од 1.750.000, а државјани имаме 2,5 милиони.
До крајот на овој месец треба да стигнат околу 245.000 пасоши, од кои најголем дел се Тип А.
„Јас не сум Балтазар, ниту моите луѓе се маѓионичари, единствено што можевме да направиме е тоа, работиме по 13,14 саати дневно и сабота и недела тоа е. Јас не можам да работам 300 часа дневно“, рече Тошковски.
