ЗОШТО ТРИЧЛЕНА ПРОСЕЧНА ПОТРОШУВАЧКА КОШНИЧКА – Апасиев вели дека според последниот попис, повеќе од половина од семејствата во земјава се четиричлени
Лидерот на Левица Димитар Апасиев, реагираше на најавите од власта за формирање на просечна потрошувачка кошница, која ќе треба да задоволува потреби на тројца, а не на четворица граѓани.
„Според последниот корона-попис, повеќе од пола семејства во Македонија се ЧЕТИРИЧЛЕНИ. Но, премиерот вика дека се ТРОЧЛЕНИ! Епа сеа, или премиерот лаже, или пописот? Или и двајцата!?“, пишува на фејсбук Апасиев.
А, како што е познато, веќе ќе нема минимална, туку просечна потрошувачка кошничка.
Нема да се однесува на потребите на четири, туку на три лица. Така што, државата отсега ќе пресметува колку пари треба да потроши трочлено семејство за да ги покрие основните потреби.
засега не се знае што точно содржи, но она што е познато е дека во таа нова кошничка нема да влезат цигарите, алкохолот, вонсезонското овошје и одмор во странство. Тоа, според заменик министерот за економија, Марјан Ристески, е луксуз.
-Сигурно нема да се користи во пресметките акцизна стока како што се алкохол, цигари, летување во странство и така натаму, бидејќи тоа го сметаме за луксуз. Или пак, овошја коишто не се карактеристични за одредена сезона во годината. Сето ќе биде врз база на релевантни податоци од цените од релевантни производи коишто се користат сезонски, меѓутоа и податоци земени од повеќе маркети.
Ниту ни служи за креирање на јавно мислење, ниту за политика, туку за нас да ни даде насока како во иднина ќе ги спроведуваме сите економски политики во заштита на стандардот на граѓаните на Република Македонија – изјави Марјан Ристески, заменик министер за економија и труд.
Кошничката ќе биде разгледана на економско-социјалниот совет и таму треба да добие зелено светло од синдикатите и работодавачите.
