ЗНМ со апел до медиумите: Известувањето за погребот да биде во согласност со етичките принципи
Од Здружение на новинарите на Македонија – ЗНМ упатија апел до медиумските работници кои се во моментов на терен.
Тие велат да се почитува приватноста и етичките стандарди и дека новинарството е во служба на јавниот интерес, но никогаш на сметка на човечкото достоинство.
„Почитувајте ја приватноста и етичките стандарди
ЗНМ потсетува дека известувањето од денешниот погреб мора да биде во согласност со претходно утврдениот протокол и со основните принципи на професионалната етика.
Објавувањето на фотографии и видеа со гробни места, блиски членови на семејствата и приватни моменти претставува директно кршење на препораките за етичко известување и нарушување на достоинството на засегнатите лица.
Ги повикуваме оние неколку медиумски работници и редакции кои отстапуваат од протоколот, да покажат почит и одговорност, да не објавуваат содржини што можат да предизвикаат дополнителна болка и да се придржуваат кон стандардите на етичко новинарство.
Новинарството е во служба на јавниот интерес, но никогаш на сметка на човечкото достоинство“, велат од ЗНМ.
