Бела куќа: Трамп се согласи да испрати дополнителни ракетни системи во Украина

Белата куќа во средата соопшти дека украинскиот претседател Володимир Зеленски побарал дополнителни ракетни пакети „Патриот“ за време на разговорите со американскиот претседател Доналд Трамп, кој се согласил „да работи со него за да го најде она што е достапно, особено во Европа“.

Според изјавата на портпаролката на Белата куќа, Керолин Левит, двајцата претседатели имале „фантастичен“ телефонски разговор.

Левит издаде подолга изјава, во која изјави дека Зеленски му се заблагодарил на американскиот претседател за воената поддршка, вклучително и ракетните системи Џавелин што Вашингтон прв ги обезбеди за време на првата администрација на Трамп.

Таа додаде дека техничките тимови од двете страни ќе се сретнат во Саудиска Арабија во наредните денови, пренесува Ројтерс.