ЖАЛИМЕ ЗА НЕДОРАЗБИРАЊЕТО: „Зара“ ги избриша фотографиите по критиките дека алудираат на страдањата во Газа
Брендот Zara денеска објави дека „жали за недоразбирањето“ по острите критики на социјалните мрежи дека нејзината рекламна кампања „The Jacket“ (Јакна) алудира на војната во Газа.
Пропалестинските активисти повикаа на бојкот на брендот, коментирајќи дека куклите со бели чаршафи и скулптурите без екстремитети во рекламата алудираат на трупови во Газа.
Корисниците на социјалните мрежи коментираат и дека скршениот бетон алудира на уништените згради во Газа, а на една фотографија забележале парче камен во форма на територијата на Палестина, пренесува Бета.
Компанијата Зара на Инстаграм објави дека фотографиите се избришани, а кампањата е замислена во јуни и фотографирана во септември, пред почетокот на војната на 7 октомври.
Statement from @ZARA
What do you think? pic.twitter.com/iMOCeJ2OTV
— Abu Hafsah (@AbuHafsah1) December 12, 2023
Оттаму додаваат дека скулптурите претставуваат недовршени дела во ателјето на скулпторот, со цел да се прикаже занаетчиското производство на облека во уметнички контекст.
„За жал, некои клиенти се почувствуваа навредени од овие фотографии, кои сега се отстранети, и во нив видоа нешто што беше далеку од она што беше наменето кога беа направени“, рече Зара.
Зара, додаваат тие, жали за недоразбирањето и повторува „длабока почит кон сите“.
Кампањата за бојкот на Зара беше во тренд на мрежата Х.
Зара е првиот голем западен бренд кој направи ваков драстичен чекор по критиките.
Zara is getting the Starbucks treatment pic.twitter.com/cM2gDW65Kr
— FREE PALESTINE (@missfalsteenia) December 11, 2023
Фото: Принтскрин/Твитер
