Зеленски ги поздрави новите британски санкции кон Русија во разговор со Стармер
Украинскиот претседател, Володимир Зеленски денеска телефонски разговараше со британскиот премиер Кир Стармер за напорите за постигнување траен мир во Украина, а ги поздрави и новите британски санкции против Русија.
„Само сила ќе успее. Денес има британска одлука за санкции, има и одлука на ЕУ и би било добро да помогнат и САД. Европските партнери веќе ги подготвуваат следните чекори во овој исклучително важен притисок врз Русија да стави крај на војната“, рече Зеленски.
Лидерите на двете земји разговарале за деталите од заедничката дипломатска работа и можните средби кои би можеле да обезбедат прекин на огнот и траен мир, пренесува Укринформ.
