Зеленски: Ја преживеавме зимата, но руската закана за енергетскиот систем останува
Украинскиот претседател Володимир Зеленски изјави дека неговите сонародници ја преживеале зимата благодарение на напорите на властите да обезбедат електрична енергија и греење, но предупреди дека Русија продолжува да претставува закана за енергетскиот систем на земјата, пренесе Ројтерс.
Во исто време, украинскиот претседател предупреди дека „останува заканата за енергетскиот систем на земјата“, пренесе БТА.
Како резултат на руските ракетни напади, стотици илјади Украинци останаа без електрична енергија. Вооружените сили на Украина ги држат под контрола сите делови од фронтот, рече и Зеленски. Тој го изјави ова само неколку часа откако украинската воена команда објави дека руските трупи напредуваат во регионот Бахмут. Со месеци се водат крвави битки за источниот украински град, кој е главна цел на Москва.
