Затворени страниците и апликацијата на Лајконет и Мај Ворлд во Македонија
Членовите на Лајконет во Македонија од вчера повеќе немаат пристап до своите сметки и не можат да ги користат поволностите на кешбек системот. И веб-страниците на Мај Ворлд и Лајконет Македонија, како и мобилната апликација, се затворени и деактивирани, пренесува Телма.
Според првичните информации, затворањето е извршено на барање на надлежните институции во Австрија, бидејќи и покрај активниот стечај на компанијата, преку платформите сè уште се вршело рекламирање.
Членови на Лајконет за Телма потврдија дека од вчера не можат да пристапат до своите сметки и средствата што ги имаат на нив, а кешбек системот во Македонија целосно е прекинат.
