![Заразен вирус опустоши бродови за крстарење: Властите ја истражуваат причината, повеќе од 160 луѓе пријавиле симптоми](https://novina.mk/wp-content/uploads/2024/05/kruzer-850x560.webp)
Заразен вирус опустоши бродови за крстарење: Властите ја истражуваат причината, повеќе од 160 луѓе пријавиле симптоми
Два американски брода за крстарење беа погодени од инфекција со норовирус. Властите се уште не ја откриле причината за инфекцијата, но предупредуваат дека вирусот може многу брзо да се шири.
Американскиот центар за контрола и превенција на болести (ЦДЦ) ја истражува појавата на норовирус на два американски брода за крстарење. Болеста избувна на крстаречките бродови Sapphire Princess и Radiance of the Seas, каде што беа заразени 161 патник.
Околу 67 од 1.993 патници, вклучително и двајца членови на екипажот, на Radiance of the Seas пријавиле дека имале мачнина за време на патувањето од Тампа до Лос Анџелес од 8 до 22 април.
На бродот Sapphire Princess, околу 94 патници пријавиле слични симптоми за време на патувањето од Лос Анџелес до Јужниот Пацифик. Персоналот на бродот исто така бил опустошен од болеста, а 20 членови на екипажот се пожалиле на гадење, пренесува Фокс.
Заедно со дијареата, гадењето е најчестиот симптом пријавен од заразените со норовирус, а ЦДЦ предупреди на опасноста од дехидрација.
„Норовирусот е многу заразен вирус кој предизвикува повраќање и дијареа. Секој може да се зарази и да се разболи со норовирус. Понекогаш се нарекува „стомачен грип“. Сепак, норовирусната болест не е поврзана со грипот, кој е предизвикан од вирусот на грип“, според веб-страницата на ЦДЦ.
Програмата за санитација на бродови на ЦДЦ бара од бродовите за крстарење да пријават и документираат случаи на болест на нивните бродови за да се олесни координираната реакција во итни случаи.
Истиот вирус се појави и во германската провинција Баден-Виртемберг и градот Штутгарт по Пролетниот фестивал. Властите, како и во американскиот случај, сè уште не утврдиле како таму се раширил норовирус.