Загинатите Македонци во Италија се од Пеклани, Саса и Македонска Каменица сите на 30 годишна возраст

Трагедија утрово ја потресе јавноста во Македонија и Италија. Во тешка сообраќајна несреќа згаснаа три наши млади сограѓани иселеници кои потекнуваат од Пеклани, Саса и Македонска Каменица, а четвртиот загинат е 23-годишно лице од Асти, Италија, дознава 4NEWS.mk

Во тешка сообраќајна несреќа што се случила ноќеска во близина на италијанскиот град Ница Монферато, загинале четири лица, од кои тројца се Македонци, сите на околу 30-годишна возраст.

Во сообраќајната несреќа дошло до судир на две возила, при што тројцата Македонци патувале заедно, а момчето од Асти било само во автомобилот.

Увид и истрага на местото на несреќата направила италијанската сообраќајна полиција, која потврдила дека дошло до силен директен судир, при што нема преживеани.