Битиќи: Поразот на Орбан е силна опомена за власта, иднината е во европеизација, а не во „орбанизација“ на Македонија
Поразот на Виктор Орбан на изборите во Унгарија е политичка порака што одекнува и надвор од Будимпешта и претставува директна опомена за актуелната влада во Скопје. Ова го истакна Фатмир Битиќи, оценувајќи дека падот на овој модел на владеење означува крај на илузијата за алтернатива на Европската Унија.
Битиќи посочува дека унгарските граѓани ставиле крај на политиката која со години се темелеше врз конфликт со институциите, користење на стравот како политичка алатка, поделби и континуирано слабеење на демократските вредности.
За Македонија, смета Битиќи, унгарскиот премиер во заминување не бил само далечен европски лидер, туку директна политичка референца и адреса кон која актуелната власт гледала со восхит. Тој посочува на неколку клучни врски изминативе години:
Битиќи нагласува дека Македонија треба да гради добри билатерални односи со сите држави, вклучително и со Унгарија, но остро предупредува на опасноста од увоз на поразен политички модел. Според него, со поразот на Орбан се рушат неколку клучни заблуди:
„Не верувам во Македонија што ќе бара утеха кај авторитарни политички модели. Иднината не е во орбанизација на Македонија. Иднината е во европеизација на Македонија – праведна држава, слободно општество и чесна власт“, заклучува Битиќи.
