За викенд не очекува нестабилно време со пороен дожд, грмежи и засилен ветер – следната седмица заладување со снег!
Променливо облачно со повремени сончеви периоди. Попладне , кон крајот на денот и во текот на ноќта ќе има врнежи од дожд, кои во југоисточните делови ќе бидат од 10 до 15 l/m² . Ќе дува умерен ветер од јужен правец. Максималната температура ќе биде во интервал од 10 до 15 степени.
Времето и метеоролошките параметри за Скопје: Променливо облачно. Попладне и во текот на ноќта со повремени врнежи од дожд. Ќе дува слаб ветер од променлив правец. T=14°C. P=957hPa. U=75%. V=2m/s.
Времето утре ќе биде променливо облачно со слаб локален дожд. Долж Повардарието ќе дува умерен до засилен северен ветер. За време на викендот под влијание на влажна и нестабилна воздушна маса ќе има врнежи од дожд кои повремено наместа ќе бидат пообилни (над 30 l/m²). Локално ќе има услови за појава на краткотрајно невреме со пороен дожд, грмежи и силен ветер. Во почетокот на следната седмица ќе има заладување и врнежи кои претежно ќе бидат од снег.
