За сите невреботени во Македонија, одлична можност во тек е оглас за обуки за негуватели и асистенти

Невработени лица имаат можност да се вклучат во програмата „Економија на грижа“ и преку бесплатни обуки да дојдат до работен ангажман како негуватели и асистенти.

Проектот се спроведува од страната на УНДП во партнерство со Министерство за труд и социјална политика и Агенција за вработување, во рамки на Оперативниот план на активни мерки и програми за вработување. Огласот за пријавување на заинтересирани е во тек.

„150 невработените лица ќе добијат можност за посета на бесплатни тримесечни обуки за негователи и асистенти реализирани на локално ниво, по што ќе имаат отворена можност за вработување во приватни установи за социјална заштита на стари лица и здруженија на граѓани. Идните работодавачи ќе вработат 100 обучени нововработени негователи кои ќе испорачуваат социјални услуги за помош и нега во домовите на крајните корисници.“, стои во соопштението.

Аплицирањето се врши во 30 центри за вработување при Агенција за вработување со пополнување на пријавата.

Во рамките на програмата Економија на грижа во 2021 и 2022 година, 470 невработени лица ја поминаа стручната обука, 212 се вработија во 25 здруженија на граѓани како даватели на социјални услуги на локално ниво.