„За плата се бориме, не се молиме“: ССМ со масовен протест побара минималец од 600 евра
Под мотото „За плата се бориме, не се молиме“, Сојузот на синдикатите на Македонија (ССМ) го одржа традиционалниот првомајски протест, упатувајќи остри критики до власта и работодавачите. Главните барања се јасни: итно зголемување на минималната плата на 600 евра, почитување на колективните договори и достоинствени услови за работа.
Претседателот на ССМ, Слободан Трендафилов, во своето обраќање пред присутните работници истакна дека денешниот собир е одговор на обидите за прикривање на реалната состојба во државата.
„Сакаат сликата за Македонија да биде оној еден процент од народот кој може да си дозволи продолжен викенд во странство. Но, реалноста е сурова: половина од работниците живеат со плата под 600 евра, а една третина се на прагот на сиромаштијата“, порача Трендафилов.
Синдикалните лидери изразија незадоволство од најавите на власта дека минималната плата ќе достигне 500 евра дури на крајот на нивниот мандат. Според ССМ, ова е недоволно и премногу доцно, со оглед на трошоците за живот кои секојдневно растат.
„Две години одбиваат да ја зголемат платата затоа што не сакаат да го вратат работничкото достоинство. Први мај и работничкото движење ќе живеат колку и да сакаат да ги згаснат“, додаде првиот човек на ССМ.
Трендафилов упати посебна порака до вработените во полицијата, здравството, медиумите и приватниот сектор кои денешниот празничен ден го поминуваат на работното место:
