Вучиќ ги замоли функционерите да внимаваат со изјавите за Македонија за да не бидат злоупотребени
Српските функционери да бидат вниматели во изјавите кон Северна Македонија, вели српскиот претседател Александар Вучиќ.
Вучиќ денеска побара од српските функционери да бидат внимателни во изјавите за да не кажат нешто што би можело да биде искористено од страна на други, јави дописникот на МИА од Белград.
„Многу силно, јавно и отворено и сакам да ги замолам нашите функционери, дури и кога немаат намера, да бидат внимателни, да нè им излезе ништо што би можело да биде искористено од страна на некои, за и нас да не направат исти како Курти“, рече Вучиќ за РТС.
Тој кажа дека синоќа долго разговарал со македонскиот премиер Димитар Ковачевски и му кажал дека ако било кој во Македонија се чувствува навреден за било што, иако тој лично смета дека нема причина за тоа, тогаш се извинува.
Албанскиот премиер Еди Рама реагираше по изјавата на министерот за одбрана на Србија, Милош Вучевиќ, во врска со Македонија и Црна Гора, оценувајќи при тоа дека „заканите по стабилноста на двете соседни земји се неприфатливи и многу опасни“, јавија албанските медиуми.
Рама ги нарекува „многу опасни“ и „неприфатливи“ изјавите на Вучевиќ за српските медиуми, за кои рекол дека Македонија и Црна Гора „нема да бидат мирни“ иако се дел од НАТО.
Вучевиќ го изразил своето незадоволство од двете држави поради признавањето на независноста на Косово на што Рама во реакцијата му порачува дека двете земји и Северна Македонија и Црна Гора се дел од НАТО и додава дека иднината на регионот е Голема Европа.
Вучевиќ уште додал дека Северна Македонија и Црна Гора „се мешале во внатрешните работи на Србија“ со признавањето на Косово. И од Црна Гора го посетија српскиот министер дека Србија го потпиша кумановскиот договор, а тие само ја признале реалноста.
