Вучевиќ одговори дали Србија испорачала оружје за Украина
Српскиот министер за одбрана Милош Вучевиќ негира дека Србија ѝ испраќала оружје на Украина.
Тој изјави дека Србија ниту продавала, ниту ќе продава оружје на украинската или руската страна, ниту, пак, на земјите кои на некој начин се вклучени во овој конфликт.
„Нечија цел е очигледно да ја дестабилизира нашата земја и да ја вовлече во конфликт во кој нема да учествуваме. Ние постојано се држиме до нашата воспоставена политика“, рече Вучевиќ.
Претходно, новинската агенција Ројтерс, повикувајќи се на протечените документи на Пентагон, објави дека Србија се согласила да испорача оружје во Киев или веќе го испорачала.
Инаку, претходно кога Русија бараше одговор од каде дошле српски ракети на бојното поле во Украина, српскиот претседател Александар Вучиќ кажа дека тие не продале оружје на Украина. Но, се појавија информации дека ракетите во Украина стигнале преку Турција и Словачка. Србија е земја која не воведе санкции за Русија.
foto facebook.com
