„Врвната актерка на нејзината генерација и прекрасно битие“: Починатата актерка Пајпер Лори
Почина американската актерка Пајпер Лори, јавува Си-Ен-Ен, а пренесува Индекс.хр.
Таа имаше 91 година.
„Лори веќе некое време не се чувствува добро. Ќе остане запаметена како врвна актерка на нејзината генерација и прекрасно битие“, изјави за медиумите портпаролката на актерката, Марион Розенберг. Лори почина во саботата во Лос Анџелес, а причината за смртта се уште не е потврдена.
Инаку, Пајпер Лори е најпозната по улогите во филмовите The Hustler и Carrie и серијата Twin Peaks. Таа ја освои наградата Еми во 1987 година и три пати беше номинирана за Оскар.
Таа ја започна својата кариера во 1950 година, а потоа направи долга пауза од Холивуд бидејќи беше разочарана од начинот на кој индустријата ја третира како млада актерка. Исто така, таа еднаш изјави дека е разочарана од едноставноста на женските улоги кои и биле понудени. Кога повторно се појави на сцената, Лори повторно се етаблира преку впечатливи женски ликови.
