ВРАБОТЕНИТЕ ВО УЈП ИЗЛЕГУВААТ НА ШТРАЈК АКО НЕМА РЕШЕНИЕ – Се бара раст на платите од 30 отсто
Во
Управата за јавни приходи денеска започна процесот на помирување помеѓу УЈП и
синдикалната организација „Солидарност“ со посредство на Илија Манасиев во
однос на барањето за зголемување на платите на вработените за 30 проценти.
Претседателот
на организацијата Солидарност Васе Недановски и в.д претседателката на УЈП Сања
Лукаревска пред почетокот на средбата во изјава за медиумите изразија надеж за
изнаоѓање заедничко решение.
–
Убеден сум дека со отпочнувањето на процесот ќе изнајдеме решенија и одлуки кои
ќе овозможат добивање согласност за потпишување на колективните договори. Како
најважно е зголемувањето на платите на вработените. Во моментот платите кои се
исплатуваат се во износ за процент од најмалку 30 посто помал од утврдено во
одредбите – изјави Манасиев.
Секоја
одлука надвор од посочената рамка, како што посочи, ќе значи автоматски
отпочнуваење на генерален штрајк.
Одлуката
за генерален штрајк требаше да стапи во сила на 27 месецов, но беше
пролонгирана поради назначувањето нов помирувач во процесот. Во меѓувреме,
вработените во УЈП секој ден одржуваат двочасовни протести на работните места.
Манасиев истакан дека и Управата за
јавни приходи и синдикатот покажуваат висока свесност за потребите на вработените, посочувајќи дека за краток период по добиеното барање, договорена е средба и се надева дека постапката ќе заврши успешно за двете
страни.
– Се надевам дека како раководител на оваа
институција ќе изнајдеме решение со репрезентативниот синдикат на вработените
во Управата. Ние сме на иста страна во она што значи и унапредување на
работничките права – кажа Лукаревска.
Претставникот на синдикалната организација Солидарност посочи дека очекува решенија и одлуки кои ќе овозможат добивање
согласност за потпишување на колективен договор со кои работниците би ги
оствариле правата од работен однос согласно законите.
– Најбитно од сето
тоа е зголемување на платите на вработените во УЈП до 30 посто и сето тоа да
биде независно од донесените одлуките и оние кои се носат на економско
социјалниот совет.
Посебно би
информирал дека платите на вработените во УЈП се за 30 отсто помали од
одредбите од постојниот колективен договор. Сето тоа упатува на оправданост на
нивното барање за зголемување на платите.
Убеден сум дека
помирувачот ќе ја заврши својата функција и ќе се достигне моментот кога ќе се
иполнат нашите барања. Секоја одлука која ќе отстапува од нашите барања, ќе
значи отпочнување на генерален штрајк кој го најавуваме од почетокот на
поднесувањето на барањата – потенцираше Недановски.
Фото: Принтскрин/Фејсбук – Миа
