Вработените во УЈП ќе ја блокираат цела држава ако не добијат повисоки плати до 27 јуни

Претседателот на синдикатот во УЈП, Васе Недановски во гостување на национална телевизија најави дека 27 јуни е датумот до кога треба да се спогодат вработените во УЈП и министрството за финансии.

„Во спротивно УЈП оди во генерален штрајк и целата држава ќе биде блокирана“, изјави Недановски.

Синдикалната организација „Солидарност“ при Управата за јавни приходи од 15 јуни секојдневно во знак на протест ја прекинуваат работата во периодот од 10 до 12 часот.

Тие бараат повисоки плати за 30 проценти.