ВОЗНЕМИРУВАЧКО ВИДЕО: Ужас во Тетово, куче падна од шести спрат додека имало обид за заловување!
Бездомно куче е фрлено од зграда во Тетово, од седми кат, објави Анима Мунди. Грозоморниот чин се случил сред бел ден, пред очи на граѓани, а чинот бил и сниман.
„Безумие и суровост која не знае за граница – во Тетово, бездомно куче фрлено од седми кат од зграда. Среде бел ден, на очи на граѓани, комшии и минувачи кои масовно ни пријавуваат и се во шок; во зграда во изградба во која залутало несреќно бездомно куче, инвеститорот со помош на пожарникари , со стап и покрај сетто плачење на бездомното животно, го присилиле да рипне од 7 кат, зошто немало како и каде да избега. Видете го кучето, слушнете го плачењето негово на ова видео – умира во страотни маки по 20 минути агонија на крвавиот асфалт. Локацијата е карши пицерија Јани во Тетово“, објавија од здружението.
Од Министерството за внатрешни работи пак велат дека кучето паднало при обид за заловување.
„Педесет и осумгодишниот тетовец Ѓ.З. вчера (22 март) во 18 часот и 40 минути во СВР Тетово пријавил дека околу 17 часот од балкон на зграда во изградба на улица “Благоја Тоска” во Тетово, спроти зградата во која тој живеел, од шесттиот кат паднало куче и набргу потоа yгинало. Кучето, според пријавеното, во објектот се обидувале да го заловат двајца тетовски пожарникари. Се расчистува и документира случајот“, велат од МВР.
На видеото може да се чуе плач на кучето пред да падне од голема висина, а од зградата се слушаат гласови.
ПРЕДУПРЕДУВАЊЕ: ВОЗНЕМИРУВАЧКО ВИДЕО
