Воведоа построга контрола: За руската нафта – потврда
САД воведоа построги мерки за контрола на горната граница на цената на руската нафта од 60 долари за барел, што беше наметната од западните земји по рускиот напад врз Украина.
Денеска американското Министерство за финансии објави на својата веб-страница дека американските власти ќе бараат од давателите на услуги од земјите од западната коалиција да добиваат потврда од нивните партнери секогаш кога ќе натоварат или испорачуваат руска нафта, пренесува Комерсант.
Дополнително, од учесниците во синџирот на снабдување со нафта ќе се бара да објават информации за дополнителни трошоци, вклучувајќи осигурување и транспорт, кога тоа ќе биде побарано.
Од добавувачите се бара да спроведат соодветни оперативни промени до 19 февруари 2024 година.
Во исто време, Вашингтон додаде две компании од Хонг Конг и две компании од Обединетите Арапски Емирати на листата на санкции поврзани со руската нафта.
