Во земјотресите во Турција на 6 февруари загинаа 505 медицински лица

Вкупно 505 медицински лица загинаа во разорните земјотреси на 6 февруари во Турција, соопшти денеска министерот за здравство Фахретин Коџа, цитиран од државната телевизија ТРТ-Хабер.

Коча упати порака по повод денешниот празник на лекарите во Турција.

Сепак, министерот за здравство истакна дека, за жал, денешниот 14 март не може да се смета за празник.

Денешниот ден, 14 март, не може да се смета за празник на лекарите. Ние тагуваме. Во зоната на земјотресот животот го загубија 505 наши пријатели и колеги, а вкупниот број на загинати е над 48 илјади. Сочувство до сите, Аллах никогаш повеќе да не направи да доживееме таква тага. Денешниот 14 март е ден за залечување на раните на нашиот народ, истакна Коџа.