Во затвор на 20 години осуден убиецот на својот брат и снаата во Стајковци
Основниот кривичен суд Скопје денеска изрече првостепена пресуда со која Љ.К. од Стајковци го огласи за виновен и го осуди на 20 години затвор за две кривични дела – убиство.
Како што соопштија од Јавното обвинителство, обвинетиот, според обвинението поднесено од Основното јавно обвинителство Скопје во јули годинава, на 14 мај 2024 година, на свиреп начин и при вршење семејно насилство, ги лишил од живот својот брат и снаата.
По вербална расправија, тој со метална прачка ја нападнал жената, нанесувајќи и тешки телесни повреди од кои таа починала на лице место. Потоа, барајќи клуч од гаражата од својот брат, и по неговото одбивање, го удрил со прачката повеќе пати во главата, нанесувајќи му смртоносни повреди.
Оваа пресуда следува по спроведена судска постапка и поднесено обвинение од Основното јавно обвинителство Скопје.
