Во Шпанија запленети културни богатства од Украина, уапсен и православен свештеник

Шпанската полиција запленила древен златен накит од Украина, чија вредност се проценува на околу 60 милиони евра.

Уапсени се тројца шпански и двајца украински државјани, меѓу кои и православен свештеник, соопшти шпанската полиција.

Запленети се 11 парчиња накит кои потекнуваат од грчко-скитската култура помеѓу 8 и 4 век п.н.е.

Скитите талкале по земјите северно од Црното Море, а тоа се денешна Украина и јужна Русија.

Овој накит последен пат е виден на изложба во Киев помеѓу 2009 и 2013 година. Во одреден момент пред мај 2016 година, тој илегално беше изнесен од државата.

Лицата кои беа уапсени се осомничени дека биле дел од банда која планирала да продава накит.

Уапсениот свештеник наводно фалсификувал документи во соработка со сонародник и други, кои лажно докажале дека накитот е црковен имот. Не се соопштува точно кои украински цркви.

Накитот ќе го проучуваат експерти од Националниот музеј за археологија, а потоа ќе го вратат во Украина, соопшти полицијата.