Во последните 24 часа најмногу дожд во Битола – граѓаните останаа без струја, невреме го погоди градот!
Најмногу наврнат воден талог од 42 литри на метар квадратен за изминатите 24 часа до 8 часот утрово, има во Битола.
Како што информираат од УХМР, следат Претор со 16 л/м2, 9 во Струмица, Берово и Крушево, 6 во Виница, 2 во Тетово и 1 во Охрид и на Попова Шапка.
Дадените вредности за количината врнежи се измерени на дождомерните места на Упрвата за хидро-метеоролошки работи. Поради локалноста на процесите, паднатата количина воден талог многу варира и на различни места може да е многу поголема од измерената, стои во соопштението.
Како што и претходно објавивме, вчера градот Битола беше погоден од силно невреме, а неколку делови останаа и без струја.
