ВО ПОЛИЦИЈА РЕКОЛ ДЕКА НЕ МОЖЕЛ ДА СЕ ГРИЖИ ЗА НИВ: Србин си ги уби дедото, бабата и таткото

Млад Србин извршил тројно убиство во семејната куќа во градот Књажевац.

Српскиот вицепремиер и министер за внатрешни работи, Ивица Дачиќ денеска изјави дека дваесет и двегодишниот Алекса Милојевиќ извршил тројно убиство во неговата семејна куќа.

„Дваесет и двегодишниот Алекса Милојевиќ попладнево во својот семеен дом во Књажевац го изврши тројното убиство на својот татко, дедо и баба. Дедото бил неподвижен, а таткото и бабата биле тешко болни. Убиството го извршил со ловечкото оружје на дедо му. Лицето е лишено од слобода и го признало делото, а на полицијата и рекол дека повеќе не можел да се грижи за нив“, изјави Дачиќ.

„Телеграф.рс“, објави дека се убиени M.M.(81), С.M.(83) и П.M. (60).

Лани во Србија се случија два масакри, кога ученик во Белград уби повеќе лица во училиште, а потоа имаше масовно убиство и во Младеновац кое го изврши младо момче.