Во Општина Струга било навика да се купуваат скапи возила
По навика купиле луксузно општинско возило, затоа што и претходните биле скапи. Ова е оправдувањето на сведоците на одбраната на струшкиот градоначалник Meрко, на денешното рочиште за набавката на четирите општински возила, меѓу кои и луксузното „Ауди А6“ од 66 илјади евра. Бил избран најповолниот понудувач, а биле купени 3 возила „шкода“ и луксузното „ауди“. И возилата од претходниот возен парк на општината биле „ауди“ и „мерцедес“ со висока вредност.
Сведоците, претседател и заменик претседател на Комисијата за јавни набавки, која во 2019 година го спроведе тендерот, пред судот изјавија дека набавката е спроведена законски, по Одлука на општинскиот Совет.Сведочеше и поранешен ревизор од Државниот завод за ревизија,а сега пензионерка, Лилјана Стојановска, која укажа дека сметката на општината била блокиран, а судот определил минимум средства за нејзино функционирање. Но, претседателот на Основниот суд во Струга во ноември 2017 го променил решението и го зголемил месечниот лимит од над 50 милини денари, со што се надминал вкупниот годишен буџет на општината.
Судијата кажа дека веќе се изведени сите докази, а пресуда се очекува до летото.
На главниот претрес за предметот, пак, во кој Мерко е обвинет за поттикнување на етничка омраза и раздор кај граѓаните, затоа што лани на општнската зграда постави спомен плоча на албански јазик, со која се велича фашистичката окупација на Струга, беа сослушани тројца сведови. Инспектор од Министерствиото за култура кажа дека бил спроведен вонреден надзор и е констатирано дека плочата е незаконски поставена, за што Мерко бил прекршочно казнет. Сведочеа и двајца членови на општинскиот Совет, кај кои вознемирените граѓани го пријавиле поставувањето на спомен плочата.
За утре се закажани 3 судења против Мерко за предмети за незаконско поставување на директори во струшките училишта.Против него се поднесени вкупно 9 обвиненија, за кои има активни судски постапки, а во секоја му се заканува и затворска казна, но до денес нема ниту една пресуда.
Тој е и на црната листа на САД од 2023 година, поради вмешаност во корупција.
