ВО КОИ ЗЕМЈИ ЛУЃЕТО ЖИВЕАТ ВО ПЕНЗИЈА НАЈДОЛГО: Некаде живеат само две години по работниот век
Бројот на активни
работници кои можат да го поддржат јавниот пензиски систем се намалува како што
се зголемува бројот на лица кои заминуваат во пензија.
Очекуваниот
животен век, според Светската здравствена организација (СЗО), се мери со
просечниот број години што едно лице може да очекува да ги живее со оглед на
стапките на смртност специфични за полот и возраста во моментот на раѓање.
Возраста за
пензионирање, според податоците на Организацијата за економска соработка и
развој (ОЕЦД) 2020 година, се однесува на задолжителната и доброволната возраст
до која ќе работи лице кое почнало да работи на 22 години.
А еве каде живеат
луѓето најдолго по пензионирањето?
Во Јужна Африка,
мажите во просек поминуваат само две години во пензија.
Во земји како
Полска, Унгарија, Бугарија, Романија, Литванија, Летонија и Русија, како и
Аргентина, Мексико – мажите во просек поминуваат помалку од 10 години во
пензија.
Исланд, Израел и
Норвешка имаат највисока возраст за пензионирање, 67 години, а сепак,
очекуваниот животен век е околу 81 година – што значи дека во просек мажите во
овие земји поминуваат 14 години во пензија.
Жените генерално
имаат подолг животен век од мажите – а со тоа и подобри изгледи за подолг
животен век по пензионирањето.
Во Јужна Африка,
жените поминуваат помалку од 10 години во пензија, со просечен животен век од
68 и возраст за пензионирање од 60 години. Следат Мексико и Индија, каде жените
поминуваат околу 14 години во пензија.
Во Саудиска
Арабија жените поминуваат во просек по 26 години во пензија, а просечната
возраст за пензионирање е 47 години.
Сепак,
индивидуалните искуства од реалниот живот во голема мера варираат од
горенаведените просеци, со оглед на различни фактори како што се богатството,
географијата и превенцијата на болестите.
Како што се
зголемува животниот век, некои земји сакаат да ја зголемат старосната граница
за пензионирање во иднина. Еден од нив е Обединетото Кралство, каде владата
сигнализираше дека се надева дека ќе го задржи константен процентот на луѓе кои
живеат во пензија, со просекот забележан во изминатите 10 години.
Во многу земји
можете да се пензионирате пред пропишаната возраст, а некои земји имаат
флексибилна возраст – што значи дека пензиите може да се подигнат во одреден
опсег. Тоа ги вклучува Канада, Финска, Норвешка, Шведска и САД, според Финскиот
пензиски центар.
Извор: Ал Џезира
Балкан
