ВНИМАВАЈТЕ, СЕ ПОЈАВИЈА ФАЛСИФИКУВАНИ БАНКНОТИ ОД 50 ЕВРА: Еве како да ги препознаете
Полициското
одделение Копривница-Крижевац соопшти дека две лица се осомничени за
фалсификување пари.
„Осомничениот на 5 мај во Копривница се обидел да пушти во
оптек две банкноти од 50 евра кои изгледале како фалсификувани. Во кривичната
истрага, од пријавениот се одземени 13 парчиња банкноти од по 50 евра кои биле
фалсификувани, а од 21-годишникот се земени 73 парчиња банкноти од по 50 евра исто така фалсификувани, соопштија оттаму.
Ова не е прв пат да се појавуваат лажни банкноти, па затоа е
важно да знаете како да ги разликувате фалсификуваните пари од вистинските
пари. За ова пишуваше и Хрватската народна банка (ХНБ), пренесува Н1.
Како да проверите дали имате автентична банкнота?
Автентичните банкноти лесно се препознаваат ако знаете како
да ги проверите безбедносните карактеристики на банкнотите. Големите разлики во
големината, бојата или основните мотиви помеѓу автентичните и фалсификуваните
банкноти се исклучително ретки. Затоа, неопходно е да се проверат неколку
заштитни карактеристики, објаснуваат од оттаму.
Не треба да сте
експерт за да ја направите оваа едноставна проверка, само следете ги
инструкциите подолу. Автентичноста на банкнотите се проверува со помош на
сетилата за допир, вид и слух при допирање, гледање и движење на банкнотите.
Почувствувајте ги
парите
Со помош на
сетилото за допир се одредува квалитетот на хартијата и релјефот на отпечатокот
на банкнотите. Карактеристиките на 100% памучна хартија се многу поголема
издржливост и отпорност на виткање и абење од обичната комерцијална хартија.
Погледнете ги
убаво
Тоа подразбираубаво
да се погледне низ банкнотата кон светлината за да се провери водениот жиг,
безбедносната нишка и проѕирниот регистар.
Со благо
навалување на банкнотата се проверува промената на мотивот на сребрената лента
и заштитните карактеристики испечатени со iridescent или оптички променлива
боја, на пример смарагдните броеви на банкнотите на еврото.
Се прави проверка
на заштитните карактеристики и со употреба на помагала (ултравиолетова ламба,
лупа, инфрацрвена камера итн.).
