ВМРО-ДПМНЕ не е против уставни измени, заклучил Ковачевски по лидерската средба
Премиерот Димитар Ковачевски смета дека заклучок од лидерската средба е тоа што ВМРО-ДПМНЕ не е против уставни измени.
– Добро е што имавме разговор и што ставот утрово искажан од страна на Извршниот комитет утрово пред штабот на ВМРО-ДПМЕ е променет, а тоа е дека ВМРО-ДПМНЕ не е против уставни измени. Ова е процес во кој треба заедно да учествуваат сите. На состанокот се прави јасна дистинкција дали ќе ја интегрираме Македонија во ЕУ или ќе биде изолирана.
Моја лична цел е овој процес да биде успешен и токму затоа вклучувањето на други делови од народ во Уставот е чекор напред. Ние сме Европа во мало со оглед на разноликоста на луѓето кои живеат во неа и кои денес ја чувствуваат Македонија како своја – рече премиерот Ковачевски.